البارق الامي

 

 

يقول أخو فهد شوف البارق الامي.
لي اتثبت القاع من لثفان لا عارين .

شاجى شجوني وذكر قلبي الامي.
وشمس طلعت ونومي ما دناءلي عين

وامسيت سامر بذيك القذله الشامي
لي منها ولعت اكبر مولعي عودين

واتعادل الجوء لا بارد ولا حامي
والببس والماء وتخزينه علا الشقين

لما تخايل بنات النيل قدامي
وكن ما حد خلق في الكون غير اثنين

انا وهي كندليزاء رايس امامي
واعطيتها روس من قات اليمانيين

وقلت ذالماء يبرد قلبك الضامي
والقات موجود واثنعشر بكت تدخين

حتاء حكت لي بمداء سرهاء الهامي
وعطت سياسه دبليو بوش في بندين

البند لول بسحق الدين لسلامي
ولا على الارض يضهر غير دينه دين

وفي المناطق يضلي الميج حوامي
يرمي المساجد ويرمي الاجي المسكين

وتخبرتني وقالت بويمن رامي
وقلت انا معرف الا خنجر السكين

لا تتهمني رهابي تحكم اعدامي
وروح انا من ضحاياء الست والستين

او معتقل في غونتنامو وفيتنامي
تصبح تقيد رجيلي قيد ابو قفلين

ولا مثقف ولا متعلم اعلامي
ولا سياسي في الدنياء ولا ادري وين

قالت بلد سام بن نوح انت يالسامي
قلت اي نعم بس وش قصدك ومن تعنين

قالت تمهل وانا بارفع اكمامي
واعطيك قصت لمام احمد حميد الدين

قلت اصبري ما فلا قد لمر لزامي
هو ما عرفتي لامام احسين بدر الدين

قالت عرفته شجاع ورجل مقدامي
وسمع بعبدالملك واعرف عيال احسين

وقلت ياكندليزاء كسري اقلامي
وش عاد باصي وقد بعتوا يمناء دين

ترفعوا اعلامكم وتنكسوا اعلامي
وبعد ثوره وحده لنقسم شطرين

هذه سياسه يهود وموقف اجرامي
تنفيذ تخطيط يخدم لنفصالين

والبند لاخر من المدمي من الدامي
من ايرلندا وهولندا ولرجنتين

والعاصمه يوم دمرها تسونامي
من خوف ياجوج يسعى في دمار الصين

وقلت وش كاربنك لتزعامي
لندن تمدن واشنطن معا برلين

واتعقدتني بردي بسم حكامي
وش عاد لو قلت وش سواء صلاح الدين

واعطتني ارقامها واعطيتاء ارقامي
ثلاث سبعات واخر نمرته سبعين

وقلت ذممك في اخواني وفي اعمامي
وبوي ومي ووش دخلي من الباقين

وبعدها قالت اشكركم علا اكرامي
ورجوك لا يطعم القات المريكيين

يجون كامل يسيرو سير لقدمي
من عندكم ما لباء الا الزيت والبنزين

واختامها عد من صلا ومن صامي
علا محمد ومن سمعه يقول امين.