مدونة الشاعر علي سويدان العقيلي

يقول اخو فهد زارت هرج مايصلح..
وبعض لشياء لشوف ان مالها حاجه..

بذات ماكان خاطي والخطاء يجرح. .
وخير من فتح باب الجرح صناجه..

وعز جراح لا يشتم ولا يمدح..
ماله ومال اللكلام الشين وحراجه..

دبلاج لفلام ماحد منها يربح..
مامن لقي فلم حارق قام بنتاجه..

وخس جراح لي بطرف خبر يفرح ..
ويسوي الجرح في صدقاه وحناجه..

لاسأل من عين قال السيل سيل ابلح
يشوش الموقف الواضح بدبلاجه..

تشويش جراح لايسرح ولايقرح..
ولا يوطي قرون القوم ملباجه..

من باب بيته يسوي شدها وشبح. .
وهو مخزن على متكاء وثلاجه..

يفكر انه يصرح داخل المطرح. .
حيث العيارات والدانات رجاجه. .

مايدري ان قلبت السكين ماتذبح..
ونحن بيداتنا ملحه وحواااجه..

ولي يصدر قراره من على المسرح..
ختم القرارات من عندي وديباجه..

من شأن قلب النسم لاضاق مايضبح.
وعلوم لجواد منها يطلق احجاجه..

حتى ولو وقتنا قد باطله يسفح. .
ياجرح ماقد لقيت ادواه وعلاجه..

والصدق مفتاح له بيبان تتفتح..
ومن دخل به عرف بابه ومخراجه..

ولا من الصدق لتزحزح ولا لجنح..
مادام عاده يطوف البيت حجاجه..

احب راعي الحقيقه لي بها يصدح..
وكلمه الحق لهل الحق فلاجه..

لآنها الصح لا الصح الصحيح أصبح..
برهانها مثل نور الكون وسراجه..