بدع/سلمان علي بن سالم الغويبي وجواب/علي سويدان العقيلي

بدع/سلمان علي بن سالم الغويبي
وجواب/علي سويدان العقيلي


بسم الله ابدع قصيدي وانضم اقوالي
وكلن على حسب كيفه يبدع اقواله.

يقول سلمان قلبي ضاق من حالي
وكم شخص في ذى الزمن ضبحان من حاله

من ضاق حاله يشاركني بموالي
وكلن يعبربرايه حسب مواله.

يابن سويدان كيف الحال يالغالي
واخباركم ياسندسلمان ياماله

خابروفصل لنا ياطيب الفالي
عن وضعنا الحالي الي حن سعيناله

قمنا بثوره لعل الضلم ينشالي
وكم شخص ضحا لها من خيرت رجاله

والمشكله ياعلى ان القتل لازالي
ومن سعا في الحصانه ناس محتاله

والريس السابق المجرم وقتالي
وصانع معه ياعلى عربان قتاله

حد فجروبه وحدبمتريغتالي
واليوم شعب اليمن ياخوي يرثاله

والمملكه وفت الباقي لها البالي
من بعدمازفرت عربان رحاله

حدله اقامه وحدداخل تسلالي
المشكله من شرا له ضاح برياله

طبع الزمن هكذا والي على والي
والله قدقال ان ليام دواله..

ياالله بدعيك يامعبود ياوالي
ماغيرك ادعيه واترجاه ونساله.

عفوك واباالسترفي حلي وترحالي
ومن جودك اتوسلك ياعالم الحاله

يقول زهران كمن شي على بالي
ماضي وحاضرومستقبل طمحناله

لوانويتنا احط مستقبل لجهالي
مثل الذي قدكسب اشياء لجهاله

لوانويت مشروع ناجح ماتهيالي
قامولي الناس بفشاله وخلخاله

الناس قالولي ان الوقت ميالي
وانا على حسب فكري الناس مياله

لاحضتنا الناس وانهم بعدلموالي
منهو معه مال له جمهورفي جاله

لوهوالردي بين ربعه له عظم دالي
وربعه يقولون سره جاه من خاله

بالمال في الحال يلقى منزله عالي
ويحظى بتقديرفي روحه ومقباله

الناس مايستوون اصناف واشكالي
والجيدفي وقتنا ذى قلت اشكاله

والجيديبقى بطل بعيون الابطالي
يبقى الشبب والوفاء والطيب مدهاله

من عادت الجيد يحمل كل لثقالي
ماالفسل معروف حمل الجيدماشاله


جواب/علي سويدان العقيلي


يامرحباء ماسراء براق شعالي.
وستال وادي سباء وستالت ارماله.

سناه يسقي الهشيم الدامر البالي.
ياسيل سيلوه يسقيها علئ جاله.

من دافع القدر حيابك علئ شالي.
حياء بسلمان وطارش ومرساله.

طاب السمر طاب وتذكرت مدهالي.
وبن سويدان وش في القلب يطراله.

الشاعر الي فلئ سج الخلا الخالي.
يسمر معاء دله القهوه وفنجاله.

يطلع علي الصبح ماشرفت فنجالي.
ساعه لهجرع وساعه لضرب الباله.

في خبت صيده يغطرف غصنه الحالي
ممساء عنود العفر لشقر ومقياله.

يجتال من حيث مالقنصان تجتالي.
فلئ سرح مالقنيص اتشعف اعياله

ماهل الشواخيف تدري به ولئ اﻻلي
وﻻحد الي علئ بعده تعناله...

اصواتها ﻻضواء لول معاء التالي.
زامل مرادي يهيضني تزماله..

ذاء بند يلي تنشدني من اعمالي.
في المملكه كل واحد عايف اعماله.

الله رماناء معاء هندي وبنقالي.
جار الزمان الردي وجارت احماله.

مهما حصل قد طعمناء المر والحالي
وﻻ دنقناء لجور الوقت وهواله .

ايام غبراء وﻻحد منها سالي.
بالله ﻻعاد تنشد حد من احواله.

حاشئ وكلئ ارتضي ضلمي واذﻻلي
الجيد مايرتضي ضلمه واذﻻله.

ون كان وضع اليمن ولع بنابالي.
وهتز هزه قفاء ماثار زلزاله..

وعبدربه لها راعي وجمالي.
والخوف ﻻروح الجمال وجماله.

الوضع مقلوب فيه اجنوب وشمالي
وسبابها الريس السابق شده باله.

شعب اليمن بايعود شعب صومالي.
ﻻهم عليها وﻻحد راجع اعماله..

خابت ضنوني وخابت كل اﻵمالي.
وهله عصابات بياعه ودﻻله.

اقضو علئ الشعب طوالي بطوالي
عاله من الله وصبح مجتمع عاله.

ذاء وضع ماعاد يصلح لك ولمثالي.
قصرت حضوض ازمان وقصرت احباله

مادام قد طفروبه دقل وجﻻلي.
كلن يحاذر علئ ثوبه ودسماله.

ماطاري المال قد ماكثرت اموالي
اهم شي جوده الرجال وجﻻله..

المال عرضه لراعي القيل ولقالي
يفصلو روحه التاجر ولقباله..

ان كان ماجاد قالو ضمن لنذالي.
ون جاد بايمدحو كلن بماعطاله.

من منهل الجود ماقد جف منهالي
والصبر من عزتي فوضه ومنهاله.

هاذاء جوابك رسمناء الميم والدالي
جواب مثل العسل من راس معساله.

جواب بارسله لك عبر جوالي.
قضاه في مارسله لي عبر جواله

والعفو ﻻشي قصر في كيل مكيالي
الصاع بصاع كلن حسب مكياله.