بدع الشاعر/احمد محمد الفقير وجواب الشاعر/علي سويدان العقيلي

بدع الشاعر/احمد محمد الفقير
وجواب الشاعر/علي سويدان العقيلي

بو خالد سلامي صدر ما برق المخيله لمع ،،،
لك يا بن العقيلي علي يا الي شاع ذكرك وذاع ،،،

جبيتك غصون الشقر والعود الموزع طبع ،،،
من قلبي ومن خاطري يا الجيد العريق الشجاع ،،،

يا شاعر يفك الغون لا اتلوت وصاب النصع ،،،
هذا الخط مخصوص لك عن ما كان تحت القناع ،،،

وانته راجعه واكمله وايدك حطها في الوجع ،،،
حتئ والوجع منتشر من خمس القدم للنخاع ،،،

حنا في نعم طايله قد ما رزق حي انقطع ،،،
نطمع في رضاء ربنا والدنياء نراها متاع ،،،

والاوضاع ما تعجبك بدلنا السدس بالجدع ،،،
والمركب سرح قايده في نومه وضاع الشراع ،،،

شكلنا لجان الحرس من ساعة هروب الجرع ،،،
والشجعان ماقصرو قدهم بعدها في رداع ،،،

والباروت يعجن قرم واذلاق الصوارم جبع ،،،
والدرع السميك انكسر والشاخوف فوق السياع ،،،

ذا حايد . وهذا قهر. واصحاب المصالح تبع ،،،
باعوا والمحاجي كنب صارت والمدافع رقاع ،،،

قل لصحابنا عندكم ما الليله معد بش ومع ،،،
بعد الأييه والمرحبا ذي كانت وامرك مطاع ،،،

مهما كان يا جارنا من يشعق بيده رقع ،،،
هات الشيك والمعتمد حق المشيخه للجياع ،،،

دق الصدر من باطلك دقه تسعتعشر تبع ،،،
كم شاجع بهذا الزمن قبلك دق صدره جماع ،،،

وانته ياعلي وش ترا بعد الشرح كيف البرع ،،،
المتفرج ادرا شفه ما ذي داخل الشوط ضاع ،،،

الظالم معه مهلته والشاجع قتل ماركع ،،،
والفاتر خذ العاقبه عيره عند سود النباع ،،،

حكمة ربنا في البشر كل انسان له ما زرع ،،،
هو حسبي علئ المرتشي واصحاب الحيل والخداع ،،،

واعذر صاحبك يا فتئ عن ما قال فيما بدع ،،،
واقبل يا عريق النسب حبي والاخاء في الوداع ،،،

واختمها بذكر النبي ذي زال الصنم والبدع ،،،
والدين القويم اعتلت راياته سطوح القلاع

صلينا علئ الهاشمي ما الطاير بصوته سجع ،،،
قدرك فوق راسي صعد يانور انتشر في البقاع ،،،

جواب/علي سويدان العقيلي

مرحب مالمع بارقه من روس القنف والقزع..
وبروس الجبال انطرح وبطون الفجاج الوساع..

مرحب صوت صوتبه ريت الصوت بايستمع..
وهل اقليم وادي سباء من صوتي يجوناء فزاع..

مارب قال حيابكم قاطرها تبع في تبع...
وهل المملكه رحبو ضرب العرض في لرتفاع..

حسب اقوال مضمونها في الواقع وفيماء يقع..
شاعرها وبداعها حط الكي فوق الصداع..

طراء لي حجج واجده والبال الوسيع اتسع..
عناني وناء المعتني والهاجس معي كل ساع..

وﻻوضاع متساويه شف من شق غيره رقع..
قدهو سلف راعي السلف يوخذ في البنانه ذراع..

حكمه ربناء ساقها وقضيناء السنع بالسنع..
ماديان حق انضلم ﻻقام الوثن في المشاع..

شلو الدين وستكبرو بنفسهم وزاد الجشع..
وهل الدين شلو القضاء بالمعروف والمستطاع..

من رااهن علئ صاحبه ونه والنبي ماخضع..
يستغفر قفاء صاحبه لي ماطاع واليوم طاع..

ﻻكن عدها اتخالصت ﻻشي للبلئ مفترع..
ون ماحد يباء صاحبه يطرح في الصفاء والقطاع..

والحوثي يكفي لهم ياعيبان قل لصمع..
والجرعه ومضمونها قد حن من بﻻها شباع..

جربناء شعاراتهم لي غشو بها المجتمع..
ونه حن شعاراتناء ﻻللعنف ﻻلصراع..

زادو في غواء غيهم ﻻولله وزاد الدلع..
سوو عنجهياتهم في قش الحطب والرعاع..

اماء القبيله يحلفو من زين التبع والنبع..
من كبسون صبطونها لي ﻻزعزع الحيد زااع..

مانزاحو وﻻ تزحزحو ولله لو يقع مايقع..
انها معركه جو جو ونها معركه قاع قاع..

يكفيناء رداع اﻵبي ماحوثي غزاها رجع..
ليلت في مضانيكها خلوهم عشاء لضباع..

ﻻلبيضاء بشجعانها بيرقها الشهير ارتفع..
مامارب بعمدانها قامت والطنب والشراع..

لو تهزم قبايل سباء للحوثي طرحناء الربع..
ﻻكن الثقه في اهلها ماشاري شراها وباع..

عاد ابتالها دونها شدو في الطقوم القطع..
وثنعشر بطل منهم بثنعشر وزارت دفاع..

صف القوم وكبارهم في نخﻻء السحيل اجتمع..
والمغبون لي مالتحق بالموقف وﻻ لجتماع..

هاذاء بند ياصاحبي والثاني علئ اربع دفع..
اول شي شف المغترب مايدعيه للجهر داااع..

ودي قولك كلشي ﻻكن ضرف مثلي منع..
اني قول وﻻنتقد في مآمور سهل البقاع..

وختام المقايل صدر مني والكتاب انطبع..
وتقبل تحياتناء ﻻقضيناك في الصاع صاع...